Principais recursos audiovisuais na aula

Ola a todos e todas, tras analizar os recursos web que nos foron dados na materia de Novas Tecnoloxías imos facer unha síntese dos que nos pareceron máis interesantes. O meu traballo consistirá en resaltar a importancia de aqueles que considere máis sinxelos de empregar e máis efectivos á hora de crear material audiovisual para traballar na aula cos nenos e nenas.

Unha boa forma de introducirse e informarse sobre o tema é a páxina web de EducaconTic, que ten publicacións como por exemplo a de “O vídeo como ferramenta didáctica”, na que se fai unha presentación deste método na ensinanza e sinala as súas vantaxes, así como unha breve explicación de como crear vídeos educativos. A continuación nesta páxina preséntasenos a web de NeoK12, outro dos recursos co que contábamos.

Atópolle a este recurso unha gran utilidade, xa que conta cunha amplia serie de vídeos clasificados segundo a temática de ciencias que traten, o alumnado pode atopar aquí numerosos vídeos coa materia que se trata nas aulas para practicala dunha maneira amena e simple.

Outro recurso que pode ser moi útil para a xente que estea aprendendo a crear material audiovisual son os cinco recursos que plantexa Aulaplaneta: Edpuzzle, Educanon, Hapyak, Blubbr, The Mad Video. Con estes cinco poderemos aprender a engadir textos, enlaces, imaxes, cuestionarios...aos nosos materiais audiovisuais.

Tamén me gustaría rescatar a páxina web que trata a transmisión de valores a través dos debuxos animados, xa que destaca a importancia de educar aos nenos e nenas de maneira crítica e analizar e controlar os debuxos que os pequenos/as ven na televisión para evitar que estes sexan educados baixo uns valores que no se correspondan cos da familia.

Estes son os principais recursos aos que lle atopei máis utilidade ou que me chamaron a atención pola súa sinxeleza e o adaptables que son ás aulas de primaria. Ultimamente as novas tecnoloxías están gañando un amplo terreo nas escolas, e por iso mesmo, os mestres e mestras deberían modernizar as súas clases e adaptalas á nova realidade que rodea aos nenos e nenas. Espero que a vos estes recursos vos sexan tan útiles como a min.

Un saúdo.