As audiovisuais na aula

Cada  días as TIC van gañando maior terreo en todos os ámbitos das nosas vidas, e como non ía ser menos, na educación cada vez van deixando máis pegada. É hora de que deixemos de educar como educaban a nosos pais, nais, avós, avoas... e que busquemos na tecnoloxía a estimulación que os/as estudantes precisan! Introducir as TIC na aula non ten por que ser tan complicado, moitos son os medios que temos á disposición como para deixar pasar esta oportunidade.

Tras a visualización de diversos recursos educativos dixitais e audiovisuais, pódese observar que hai un amplo abano de posibilidades para axudar aos nenos e nenas a estudar. Ofrécense actividades visuais e interactivas grazas ás que a aprendizaxe se fai máis doada, xa que é mellor aprender facendo que coa simple memorística, videos explicativos de gran calidade, consellos para a aplicación das TIC...

Para comezar, o primeiro recurso visitado foi NeoK12, unha web que pon á disposición do alumnado unha gran cantidade de videos educativos para axudar na sua aprendizaxe. A única inconvinte é o idioma, todos eles están en inglés, mais, tendo en conta que moitos colexios son plurilingües non ten por que supor unha dificultade.

Educatube é similar, mais o problema do idioma que había coa outra web elimínase.

Os mestres e mais as mestras tamén teñen a oportunidade de crear contido audiovisual de seu, grazas á páxina Videoscribe isto pódese realizar dun xeito moi doado, as imaxes xa están prediseñadas e posibilitan ademáis subir as propias, mais, so cos que oferta a páxina podemos crear un audiovisual máis que completo.

A páxina que me sorprendeu foi unha sobre a Transmisión de valores en dibujos animados, nela recóllese unha escolma de series infantís que fomentan valores positivos. Os valores son inculcados dende tódolos ámbitos nos que o neno vive, incluídos os medios de comunicacións, polo que é importante facer unha boa selección de qué valores queremos que sexan influintes para os nosos cativos e cativas.

Cada día é máis frecuente ver libros en formato dixital, o papel está sendo substituído pola pantalla. Xa non se nos fai raro consultar un dicionario a través da rede por exemplo. Destas características atopamos as revistas, que ofrecen un contido semellante ao destinado a docentes pero mantendo publicacións periódicas cunha serie de seccións etc... en Educación 3.0 podemos atopar dende noticias, a videos educativos ou mesmo ideas para aproveitar os recursos TIC nas aulas.